Ózbekstan halqynyń 95 paıyzy koronavırýs vaktsınasynyń birinshi dozasyn aldy

TAShKENT. QazAqparat – Ózbekstanda 18 jastan asqan halyqtyń 95 paıyzy koronavırýsqa qarsy vaktsınanyń birinshi dozasyn aldy, dep habarlaıdy QazAqparattyń menshikti tilshisi.

Ózbekstan Respýblıkasy Densaýlyq saqtaý mınıstrliginiń málimetinshe, búginde elde vaktsınanyń 57 350 731 dozasy egilgen.

Onyń birinshi dozasyn 20 520 052 adam, ekinshi dozasyn 16 826 588 adam, úshinshi komponentin (ZF-UZ-VAC2001 qytaı-ózbek vaktsınasy úsh dozamen engiziledi) jáne býsterlik dozany 20 004 091 ózbekstandyq saldyrǵan.

«Birinshi dozamen vaktsınalaý kórsetkishi eldegi ekpe alýǵa jaramdy eresek turǵyndardyń 95,6 paıyzyn quraıdy», - dep habarlady Ózbekstan Respýblıkasynyń Densaýlyq saqtaý mınıstrliginen.

Vedomstvo atap ótkendeı, 12-18 jastaǵy jasóspirimderdi vaktsınalaý úshin ekpeniń 1 568 882 dozasy paıdalanylǵan.

Onyń birinshi dozasymen 850 948 bala, ekinshi dozasymen 669 571 jáne býsterlik dozamen 48 363 jasóspirim egildi.

Buǵan deıin Ózbekstanda vaktsınatsııa AstraZeneca, ZF-UZ-VAC2001, «Spýtnık-V», Moderna, Pfizer jáne Sinovac sııaqty alty preparatpen júrgizilgeni habarlanǵan bolatyn.

Respýblıkada 2021 jyldyń 3 tamyzynda jumys isteıtin halyqty mindetti vaktsınalaýdyń quqyqtyq negizin bekitetin zań qabyldandy.