Ózbekstan halqy 32 mıllıonnan asty
ASTANA. QazAqparat - Ózbekstan halyq sanaǵy ár 10 jyl saıyn júrgiziledi. Bul týraly ÓR Áleýmettik statıstıka Memlekettik statıstıka komıteti tóraǵasynyń orynbasary Mahmýdjon Zııadýllaev aıtty, dep habarlaıdy Trend.
Ol eldegi halyq sany boıynsha derekterdi aıta otyryp, sońǵy 9 aıdaǵy kórsetkish boıynsha Ózbekstannyń halyq sanynyń 32,5 mln adamǵa jetkenin atap ótti.
Eseptik kezeńde olardyń 523 myńy - jańa týǵan sábı bolsa, 116 myńy - ómirden ozǵan. Nekedegilerdiń sany 192 myń bolsa, ajyrasqandar sany - 23 myńnan asqan.
Qazirgi tańda Ózbekstanda turaqty turýǵa kelgenderdiń kórsetkishi 120 myń adamdy quraǵan.
Aıta keteıik, el prezıdenti 2017 jylǵy 31 shildede «Ózbekstan Respýblıkasynyń Memlekettik statıstıka komıtetiniń qyzmetin jetildirý jónindegi sharalar týraly» jarǵysyn shyǵarǵan bolatyn.
