Ózbekstan halqynyń sany 38 mıllıonǵa jýyqtady

TAShKENT. KAZINFORM – Bir jylda Ózbekstanda halyq sany 2 paıyzǵa ósip, 37,8 mıllıonnan asty, dep habarlaıdy Kazinform agenttiginiń menshikti tilshisi. 

Өзбекстан халқы
Фото: uza.uz

- 2025 jyldyń 1 shildesindegi málimetke saı, Ózbekstandaǵy turaqty halyq sany - 37 859 698. Ótken jyldyń sáıkes kezeńimen salystyrǵanda 2% ósim baıqaldy», - dep málim etti Ózbekstannyń Ulttyq statıstıka komıtetinen.

Resmı derekke sáıkes, halyqtyń 19,1 mıllıony er, qalǵan 18,8 mıllıony – áıel.

Eske salaıyq, byltyr sáýirde Ózbekstan halqynyń sany 37 mıllıonnan asty.

Qosa ketsek, Ózbekstanda halyq sanaǵyn ótkizý 2025-2026 jyldarǵa josparlanǵan. Aldyn ala esepke saı, oǵan 800 mlrd sým ($63,4 mln) qajet.

Boljamǵa sáıkes, 2030 jyly Ózbekstan halqynyń sany 40 mıllıonnan asady. Al 2040 jyly bul kórsetkish - 46 mln, 2050 jyly 50 mıllıonǵa jetýi yqtımal.

Сейчас читают