Ózbekstan halqynyń sany 2030 jylǵa qaraı 40 mln-ǵa jetedi
Boljam boıynsha Ózbekstan halqynyń sany 2030 jylǵa qaraı 40 mln-ǵa jetedi. Bul týraly Ózbekstan Olıı Májilisi men Senaty jáne BUU agenttikteriniń qoldaýymen uıymdastyrylǵan «Azyq-túlik qaýipsizdigin qamtamasyz etý jáne aýyl sharýashylyǵynyń turaqty damýyna qoldaý kórsetý» atty semınar barysynda málim boldy, dep habarlaıdy Kazinform.
Ózbekstan Respýblıkasy Senaty baspasóz qyzmetiniń habarlaýynsha, semınar osy elde BUU Turaqty damý maqsattary aılyǵynyń aıasynda uıymdastyryldy.
Іs-sharaǵa sheteldik sarapshylar, halyqaralyq uıymdardyń ókilderi, parlament depýtattary, mınıstrlikter men vedomstvolardyń ókilderi qatysty.
Semınarda azyq-túlik qaýipsizdigi máselesi talqylandy. Sondaı-aq astyq kóleminiń kemýi, kún ótken saıyn qıyndap bara jatqan sý tapshylyǵy, jerdiń qunarsyzdanýy, sondaı-aq turǵyndar sanynyń artý máseleleri talqylandy.
«Ózbekstan úshin táýekelderdiń biri turǵyndar sanynyń kúrt ósýimen baılanysty bolyp otyr. Keıingi 30 jylda mundaǵy halyq sany 15 mln adamǵa artyp, búginde 36 mıllıonnan asqan. Boljam boıynsha 2030 jylǵa qaraı Ózbekstan turǵyndarynyń sany 40 mln adamǵa jetedi»,-dep habarlaıdy ÓR Senatynyń baspasóz qyzmeti.
Sondaı-aq jıynda klımattyń ózgerýi saldarynan jáne ózge de sebepter boıynsha sý resýrstarynyń sarqylýy sý resýrstaryn basqarýda belsendi áreket etý, sý únemdeıtin tehnologııalardy engiip, qosymsha sý kózderin qarastyrýdy qajet etip otyrǵandyǵy aıtyldy.
Al jerdiń qunarsyzdanýy men shóleıttenýi aýyl sharýashylyǵy salasynyń turaqty damýy men ekologııalyq turaqtylyqqa ker áser etip otyr.
Aıtylǵandarǵa qosa baıandama jasaýshylar Ózbekstannyń keıingi jyldary azyq-túlik qaýipsizdigin qamtamasyz etýde jetistikke jetken 10 eldiń arasynda aldyńǵy qatardy turǵanyn atap ótti. Mundaı jetistik baqsha ónimderi, kartop, kókónister, júzim, jemister egistigi kóleminiń ulǵaıtylýymen jáne mal sharýashylyǵynyń damýymen baılanysty múmkin bolyp otyr.
