Ózbekstan gaz eksportyn toqtatýy múmkin
TAShKENT. ÓzA-QazAqparat -2025 jylǵa qaraı Ózbekstan shetelderge tasymaldaıtyn gaz eksportyn toqtatýy múmkin. Bul jaıynda keshe Premer-Mınıstrlikke kandıdatýrasy usynylǵan Abdýlla Arıpov óziniń aldaǵy úkimettik josparynda aıtyp ótti, dep habarlaıdy ÓzA agenttigi.
Onyń aıtýynsha, «2025 jylǵa qaraı Ózbekstan tabıǵı gaz eksportyn toqtatyp, ony qaıta óńdeý men qosymsha qundy ónimderdi óndirý kólemin ulǵaıtýdy qolǵa alady. Elektr energııasyna baılanysty osy jyldar ishinde balamaly energııa kózderin paıdalaný artatyn bolady», deıdi.
Sondaı-aq, Abdýlla Arıpov 2030 jylǵa qaraı Ózbekstannyń elektr energııasyn óndirýdi 2 esege, munaı ónimderin - 1,8 esege, tabıǵı gazdy 1,2 esege jáne kómir óndirýdi 3,3 esege arttyrýdy josparlap otyrǵandyǵyn málimdedi.
