Ózbekstan ǵalymdary koronavırýspen kúreske arnalǵan qurylǵyny tanystyrdy

TAShKENT. QazAqparat – Ózbekstan ǵalymdary aýany zararsyzdandyrý arqyly COVID-19-ben kúresetin qurylǵyny tanystyrdy, dep habarlaıdy QazAqparat.

ÓR Densaýlyq saqtaý mınıstrliginiń habarlaýynsha, búgin sala mamandary COVID-19 vırýsynyń barlyq shtamdarymen kúrese alatyn BioGenetic atty jańa qurylǵyny usyndy.

«2020 jyldyń sáýirinde BioGenetic COVID-19 ortalyqtarynda jáne vırýsologııalyq zerthanalarda testileýden sátti ótti. Synaq nátıjesi boıynsha, COVID-19 qurylǵynyń yqpalymen qabyrshyqtardy elektrondar arqyly alady, sodan soń RNK joıylady»,-delingen habarlamada.

Densaýlyq saqtaý mınıstrligi ókilderiniń habarlaýynsha, qurylǵy adamnyń tynys alý joldaryn vırýstan qashyqtan tazalap, sondaı-aq vırýstar men bakterııalardy aýada joıady. Qurylǵy arqyly 100 sharshy metr alańdy vırýstan tazalaý úshin 15 mınýt jetkilikti. ıAǵnı qurylǵy ınfektsııanyń aýa arqyly taraýyna múmkindik bermeıdi.

«Qazirgi tańda mundaı tehnologııa boıynsha Japonııa, Reseı, AQSh pen Eýropanyń kóptegen elderiniń sarapshylary jumys istep jatyr. Osy tektes tehnologııalar Japonııa men Reseıde jolǵa qoıylǵan. Bizdiń mamandar bul tehnologııany medıtsına mekemleri men adamdar kóp jınalatyn ózge de ǵımarattarda paıdalanǵýa keńes beredi. Qurylǵy zamanǵa saı tehnologııalar negizinde jumys isteıdi jáne densaýlyqqa qaýipsiz»,-dep habarlady Densaýlyq saqtaý mınıstrligi.

Mádıbek Jánibekov