Ózbekstan EO-men yntymaqtastyqty kúsheıtpek
BRıÝSSELЬ. QazAqparat - EO-ǵa múshe elderdiń syrtqy ister mınıstrleri Eýrokomıssııanyń Ózbekstanmen keńeıtilgen yntymaqtastyq jáne seriktestik týraly kelisim jasaý boıynsha kelissózderdi bastaý jaıly usynysyna kelisim berdi. Bul týraly dúısenbi kúni EO Keńesiniń baspasóz qyzmeti málim etti, dep habarlaıdy «QazAqparat» HAA menshikti tilshisi.
Jańa qujat 1996 jyly qabyldanǵan qoldanystaǵy kelissózderdi almastyrýy tıis.
Bolashaq kelisim zań ústemdigi, sot tóreligi, qaýipsizdik, adam quqyǵy, kóshi-qon, saýda, sondaı-aq ekonomıka jáne turaqty damý salalaryn qamtıdy.
«Bul kelisim qolaıly iskerlik jáne ınvestıtsııalyq ortany damytýǵa yqpal etip, klımatty ózgertý, jemqorlyq jáne terrorızmmen kúres sııaqty jahandyq problemalar men syrtqy saıasat máseleleri boıynsha boıynsha yntymaqtastyqty qamtamasyz etedi», - dep habarlady EO Keńesiniń baspasóz qyzmeti.
Eýroodaqta atalyp ótilgendeı, «Ózbekstan jańa basshylyǵymen sońǵy jyldaryn adam quqyǵyn jaqsarty, Ortalyq Azııadaǵy kórshilerimen yntymaqtastyqty damytý jáne óńirdegi qaýipsizdik pen turaqtylyqty nyǵaıtý salalarynda ilgeri jyljyp keledi».
Aıta keteıik, Tashkent Eýroodaqqa byltyr shildede EO jańa kelisim jasaý boıynsha jumystardy bastaýdy usynǵan edi. Qazaqstan - EO-men keńeıtilgen seriktestik jáne yntymaqtastyq týraly kelesim jasaǵan Ortalyq Azııadaǵy jalǵyz memleket.
