Ózbekstan elshisi Qazaqstandaǵy dıplomatııalyq mıssııasyn aıaqtaıdy
ASTANA. QazAqparat - Ózbekstan elshisi Ikrom Nazarov Qazaqstandaǵy dıplomatııalyq mıssııasyn aıaqtaıdy, dep habarlaıdy «QazAqparat» HAA Qazaqstandaǵy Ózbekstan Respýblıkasy elshiligine habarlamasyna silteme jasap.
«2018 jyldyń 15 aqpanynda Qazaqstan Respýblıkasyndaǵy Ózbekstan Respýblıkasynyń Tótenshe jáne Ókiletti elshisi retindegi dıplomatııalyq mıssııamdy aıaqtaıtynymdy habarlaımyn. Osy múmkindikti paıdalana otyryp, Qazaqstandaǵy mıssııam kezinde maǵan qoldaý kórsetip, yntymaqtastyq jasap, dostyq nıet tanytqandaryńyz úshin rızashylyǵymdy bildirgim keledi», - delingen elshiniń hatynda.
Ikrom Nazarov «eki el arasyndaǵy ornaǵan dostyq qarym-qatynastyń halyq ıgiligi úshin ary qaraı damı beretinine» senimdi ekendigin jetkizdi.
Eske sala ketsek, Ikrom Nazarov 2016 jyldyń qańtarynda Qazaqstandaǵy Ózbekstan elshisi bolyp taǵaıyndalǵan edi.
