Ózbekstan elge zańsyz dron ákelgenderge qatysty jazany jeńildetpek

Ózbekstan Olıı Májilisi zań shyǵarý palatasynyń depýtattary el aýmaǵyna drondardy zańsyz ákelgeni úshin jaýapkershilikti jeńildetetin zań jobasyn maquldady, dep habarlaıdy Kazinform.

Zań shyǵarý palatasynyń baspasóz qyzmeti málim etkendeı, drondar Ózbekstanǵa ákelýge shekteý qoıylǵan taýarlardyń qataryna jatady. Olardy zańsyz kirgizgeni, satyp alǵany, saqtaǵany nemese paıdalanǵany úshin qylmystyq jaýapkershilik kózdelgen. Atap aıtqanda, osyndaı áreketke barǵandar 3 jylǵa deıin bas bostandyǵynan aıyrylýy múmkin. 

Endi jańa ózgeriske saı, el aýmaǵyna drondardy alǵash ret zańsyz ákelingen, satqan, saqtaǵan nemese paıdalanǵan adamdar úshin qylmystyq jaýapkershiliktiń ornyna ákimshilik jaza qoldanylmaq. Sondaı-aq, osyndaı quqyq buzýshylyqtardy birneshe ret qaıtalaǵandarǵa da jaza jeńildemek. 

Ózbekstanda drondardy ákelýge, satýǵa jáne paıdalanýǵa qatysty tolyq tyıym 2015 jyldyń 1 qańtarynda engizildi. Olardy paıdalanýǵa ruqsaty bar jeke zańdy tulǵalarǵa ǵana qoldana alady.