Ózbekstan elektr energııasy men gaz tarıfterin kóterdi
ASTANA. KAZINFORM – Mınıstrler kabıneti 2026 jyldyń 1 maýsymynan bastap elektr energııasy men tabıǵı gazǵa jańa tarıfterdi bekitti, dep habarlaıdy UzA.
Tutynýshylar úshin tarıfterdiń ortasha ósimi shamamen 9,9%-dy quraıdy.
Kelesi aıdan bastap iri ónerkásiptik jáne memlekettik sektor uıymdary (I top), sondaı-aq ártúrli zańdy tulǵalar (II jáne IV toptar) úshin elektr energııasynyń tarıfteri kVt/saǵ úshin 1100 somdy (shamamen 43 teńge) quraıdy.
Turmystyq tutynýshylar (III top) úshin saralanǵan tarıfter men áleýmettik normalar saqtalady.
Naqtyraq aıtqanda, tamaq daıyndaý úshin ortalyqtandyrylǵan elektr plıtalarymen jabdyqtalǵan kópqabatty úıler men jataqhanalardyń turǵyndary úshin:
aıyna 200 kVt/saǵ deıin — 325 som (+8,3%);
201 kVt/saǵ-tan 500 kVt/saǵ-qa deıin — 450 som (+12,5%);
501 kVt/saǵ-tan 1000 kVt/saǵ-qa deıin — 550 som (+10%).
Basqa turmystyq tutynýshylar úshin:
aıyna 200 kVt/saǵ deıin — 650 som (+8,3%);
201 kVt/saǵ-tan 500 kVt/saǵ-qa deıin — 900 som (+12,5%);
501 kVt/saǵ-tan 1000 kVt/saǵ-qa deıin — 1100 som (+10%).
Barlyq tutynýshylar úshin (belgili bir sanattardan basqa) tabıǵı gazdyń bir tekshe metriniń baǵasy 2000 som bolyp belgilendi.
Úı sharýashylyqtary úshin gazdyń dıfferentsııalanǵan tólem júıesi saqtalady. Jylytý maýsymy kezinde aıyna 500 tekshe metrge deıin shekteý qoldanylady, al basqa kezeńderde –100 tekshe metrge deıin jeńildik baǵamen tekshe metrine 1100 som (qazirgi ýaqytta 1000 som).
Kazinform úshin arnaıy UzA seriktes agenttigi usynǵan.
Qyrǵyzstanda elektr energııasy tapshylyǵyna ne sebep bolǵanyn myna materıaldan oqı alasyz.
