Ózbekstan DSU-ǵa qosylý boıynsha Úndistanmen aradaǵy kelissózdi aıaqtady
TAShKENT. KAZINFORM – Dúnıejúzilik saýda uıymyna (DSU) qosylý boıynsha Ózbekstan men Úndistan arasynda júrgizilgen ekijaqty kelissóz aıaqtady. Bul týraly DSU máseleleri jónindegi prezıdenttiń arnaıy ókili Azızbek Ýrýnov málim etti, dep habarlaıdy Kazinform agenttiginiń Tashkenttegi menshikti tilshisi.
Azızbek Ýrýnov Ózbekstannyń umtylysyna qoldaý bildirgeni úshin úndistandyq tarapqa alǵys bildirdi. Uzaq ýaqyt boıy júrgizilgen kúrdeli kelissózderdiń nátıjesinde eki el tıisti hattamaǵa qol qoıdy. Sáıkesinshe, qujat DSU-nyń hatshylyǵyna joldandy.
Eske salaıyq, taıaýda kórshiles eldiń prezıdenti Shavkat Mırzıeev jaýapty sheneýnikterge Ózbekstannyń Dúnıejúzilik saýda uıymyna qosylý protsesin bıyl aıaqtaý boıynsha tapsyrma berdi.
Buǵan deıin Ózbekstannyń DSU-ǵa qosylý protsesi keshigýi múmkin ekenin jazyp edik. Sonymen qatar DSU-ǵa qosylý boıynsha ózbek tarapy 2024 jyly AQSh jáne Qytaımen arada ótken kelissózderge núkte qoıdy.
