Ózbekstan DSU-ǵa qosylý boıynsha EO jáne Ekvadormen kelisimge qol qoıdy

TAShKENT. KAZINFORM — Ózbekstan Dúnıejúzilik saýda uıymyna (DSU) qosylý protsesi aıasynda Eýropa Odaǵy jáne Ekvadormen kelisimderge qol qoıdy, dep habarlaıdy Kazinform agenttiginiń menshikti tilshisi.

Bul týraly DSU máseleleri jónindegi Ózbekstan prezıdentiniń arnaıy ókili Azızbek Ýrýnov málim etti. Onyń málimdeýinshe, qujat resmı Tashkenttiń kópjaqty saýda júıesimen ıntegratsııany tereńdetý jolyndaǵy kezekti mańyzdy qadamy sanalady.

— Eýropa Odaǵyna múshe 27 memlekettiń narǵyna shyǵýǵa, tıisinshe onyń aıasynda jeńildik alýǵa baǵyttalǵan kelissózder sátti aıaqtaldy. Sonymen qatar, Ekvadormen tıisti hattamaǵa qol qoıyldy. Bul el Ózbekstannyń Ońtústik Amerıkadaǵy ekinshi iri saýda seriktesi sanalady, — dep habarlady A.Ýrýnov.

Buǵan deıin habarlaǵanymyzdaı, Ózbekstan DSU-ǵa qosylý kelissózderin bıyl aıaqtaýǵa nıetti.

Eske salaıyq, DSU-ǵa qosylý boıynsha ózbek tarapy byltyr AQSh jáne Qytaımen arada ótken kelissózderdi qorytyndylady.