Ózbekstan depýtattardy saılaý júıesine ózgeris engizdi

TAShKENT. QazAqparat – Ózbekstan depýtattyq korpýsty qalyptastyrýdyń aralas majorıtarlyq-proportsıonaldy saılaý júıesine kóshedi. Ózbekstan prezıdenti Shavkat Mırzıeev «Ózbekstan Respýblıkasynyń Konstıtýtsııasyn jańa redaktsııada iske asyrý jónindegi birinshi kezektegi sharalar týraly» tıisti Jarlyqqa qol qoıdy, dep habarlaıdy QazAqparat tilshisi.

«Olıı májilis palatalary men saıası partııalardyń Olıı májilis zań shyǵarý palatasynyń depýtattyq korpýsyn jáne jergilikti Kengashtardy qalyptastyrýdyń saılaý júıesin majorıtarlyq-proportsıonaldy negizde engizý týraly usynystary maquldansyn», - delingen qujatta.

Jarlyqqa sáıkes, zań shyǵarýshy palata bir aı ishinde majorıtarly-proportsıonaldy negizde saılaý júıesine kóshýdi kózdeıtin zań jobasyn ázirleýi qajet.

Qazirgi ýaqytta Ózbekstanda kópshilik saılaý júıesi qoldanylady, onda saılaý okrýginde kópshilik daýysqa ıe bolǵan kandıdattar saılanǵan bolyp sanalady.

Jáne barlyq kandıdattar elde áreket etetin partııalardyń atynan shyǵýy kerek.

Aralas júıe boıynsha saılaýdaǵy mandattardyń bir bóligi proportsıonaldy júıe boıynsha (partııalyq tizim boıynsha), al ekinshi bóligi majorıtarly júıe boıynsha (kandıdat úshin daýys berý) bólinedi.