Ózbekstan bıýdjetinde qarjy taýsylǵan
ASTANA. 9 aqpan. QazAqparat - Tashkentte amerıkandyq brendik avtomobıl qurastyratyn salondarda áleýetti satyp alýshylardan 2012 jyldyń sońyna deıingi barlyq kommýnaldyq tólemderdiń ótelgeni týraly anyqtama talap etedi, dep habarlady Rosbalt.
Agenttiktiń derekkózderiniń aqparatyna qaraǵanda, memlekettik mekemelerdiń kóptegen qyzmetkerlerin de kommýnaldyq qyzmetterdi kún ilgeri tóleýge mindettedi. Bul shara Ózbekstan turǵyndaryna jylý, elektr energııasy birneshe aptaǵa deıin berilmeı irkilister jıi bolyp turaǵanyna qaramastan jasalyp otyr.
«Ózbekmunaıgaz» tashkenttik keńsesiniń qyzmetkerleri de depozıttik tólem jasaýǵa midettedi.
«Tashkent turǵyndary gaz óndirýshiler men energetıkterge orasan kóp qaryzdar bolyp otyr. Ony bizdiń esebimizden óteýge uıǵarǵan, biz de qarapaıym jaryq pen gaz tutynýshylarmyz», - dedi «Ózbekmunaıgazdyń» aty-jónin aıtýdan bas tartqan qyzmetkeri.
Shyrshyq qalasynyń turǵyny Kárim-aka eger qyzmetkerler tóleýden bas tartsa, eńbekaqysynan aıyrylatynyn aıtty.
Mundaı alym salýdyń sebebi - Ózbekstannyń bıýdjetinde aqsha joq jáne kommýnaldyq qyzmetterge qaryzdar orasan kóp. Bir ǵana Shyrshyq qalasynyń turǵyndary elektr jelisine 4 mlrd.sým (1 mln. 430 dollardan astam) bereshek.
