Ózbekstan BYD elektromobılderin shyǵarmaq
Ózbekstan qytaılyq áriptesterimen birlesip, jyl saıyn 300 myńǵa deıin elektrli jáne gıbrıdti kólik shyǵarýdy josparlap otyr, dep habarlaıdy QazAqparat Túrkııanyń Anadoly agenttigine silteme jasap.
Tashkent qalasynda Ózbekstannyń Investıtsııalar, ónerkásip jáne saýda mınıstrligi men Qytaı BYD konglomeraty arasynda «Ózbekstanda elektr jáne gıbrıdti kólik quraldary men olardyń quramdas bólikterin óndirýdi uıymdastyrý» ınvestıtsııalyq kelisimine qol qoıý rásimi ótti.
«Qujatqa sáıkes, BYD Auto men «Ýzavtosanoat» AQ birlesip elektrli jáne gıbrıdti avtomobılder shyǵaratyn «BYD Uzbekistan Factory» kásipornyn qurmaq. Investıtsııalyq jobanyń birinshi jáne ekinshi kezeńinde josparlanǵan óndiris kólemi 50 myń birlikti quraıdy, al úshinshi kezeńniń sońynda bul kórsetkish 300 myń avtomobılge jetedi», - delingen mınıstrlik habarlamasynda.
BYD Uzbekistan Factory qytaılyqtardyń Qytaıdan tys elektr kólikteri boıynsha álemdik kóshbasshylardyń biri sanalatyn alǵashqy birlesken kásiporny bolmaq.
