Ózbekstan boks mektebiniń túlegi endi Qazaqstan atynan synǵa túsedi

ASTANA. KAZINFORM – Ózbekstandyq boksshy Saıat Іlııasov endi halyqaralyq jarystarda Qazaqstan atynan saıysqa túsetin boldy. Bul jóninde Qazaqstan boks federatsııasy málim etti. 

Bylǵary qolǵap sheberi el birinshiliginde Mańǵystaý oblysynyń namysyn qorǵaıdy. 

– Saıat Qazaqstan aldymen Qazaqstan azamattyǵyn alýy tıis. Sondaı-aq bizdiń federatsııaǵa qajetti qujattardy tapsyrady. El birinshiliginde ózin jaqsy qyrynan tanytyp jatsa, ulttyq quramaǵa shaqyrý alýy múmkin. Ol bizdiń boksshylarmen birge oqý-jattyǵý jıyndaryna qatysty. Endi ol Mańǵystaý oblysynyń atynan saıystarǵa túsýge múmkindik alady, - dedi Qazaqstan boks federatsııasynyń atqarýshy dırektory Raýan Igenev.

Aıta ketsek, boksshy 65 kelide óner kórsetedi.

Ótken jyly Saıat Іlııasov Ózbekstan ulttyq quramasy sapynda álem chempıonatyna qatysty.

Eske salsaq, budan buryn bokstan jastar arasyndaǵy Futures Cup týrnırine qatysatyn qazaqstandyqtar belgili bolǵanyn jazǵan edik.