Ózbekstan bızneske salynatyn salyqty tómendetpek
TAShKENT. QazAqparat - Ózbekstan salyq salý júıesin jeńildetýdi, sondaı-aq salyq salý bazasyn keńeıtý arqyly salyq aýyrtpalyǵyn tómendetýdi josparlaýda. Bul týraly Ózbekstan salyq komıteti men esep palatasy basshylarynyń qatysýymen ótken halyqaralyq baspasóz klýbynyń kezekti otyrysynda belgili boldy, dep habarlaıdy «QazAqparat» HAA menshikti tilshisi.
Atap aıtqanda, ÓR prezıdentiniń «Salyqtyq ákimshilendirýdi túbegeıli jetildirý, salyq jáne basqa da mindetti tólemderdi jınaýdy arttyrý sharalary týraly» jarlyǵyna sáıkes elde salyq aýyrtpalyǵyn tómendetý, kásipkerliktiń damýy úshin qolaıly jaǵdaı týǵyzý, shetel ınvestıtsııasyn tartýdy qamtamasyz etetin salyq júıesi qalyptasady.
Bul rette 2018 jylǵy 1 qańtardan bastap salyq baqylaýynyń zamanaýı nysan - salyq monıtorıngi engiziledi, ol aǵymdaǵy salyq salý máselelerin sheshýge jan-jaqty járdem bere otyryp, salyq tóleýshiler men salyq organdary arasyndaǵy keńeıtilgen aqparat almasýdy kózdeıtin bolady.
