Ózbekstan birqatar karantın shekteýin alyp tastady
TAShKENT. QazAqparat – Ózbekstanda epıdemıologııalyq jaǵdaı jaqsaryp, qyzmet kórsetý salasyndaǵy kásipkerliktik keıbir túri jumysyn qaıta bastady. Sondaı-aq halyqaralyq avıa, temirjol jáne jol-kólik baǵdaryna shekteýlerdi birtindep alyp tastaý máselesi qarastyrylyp jatyr, dep habarlaıdy QazAqparattyń menshikti tilshisi.
Atap ótkende, koronavırýsqa qarsy kúres jónindegi arnaıy respýblıkalyq komıssııanyń sheshimimen 5 qyrkúıekten bastap qoǵamdyq tamaqtaný nysandary óz jumysyn endi ǵımarat ishinde atqarýǵa ruqsat aldy. Sondaı-aq teatrlar men kınoteatrlar, saıabaqtarda balalarǵa arnalǵan attraktsıondar qyzmetin bastaıdy. Budan basqa, arnaıy komıssııa juma, senbi jáne jeksenbi kúnderi dinı qyzmetterdi ótkizýge shekteýdi alyp tastady.
Sonymen birge, Ózbekstan basqa eldermen halyqaralyq qatynasty birtindep ashýdy josparlap otyr. Osylaısha, arnaıy komıssııa pandemııa kezeńinde turaqty halyqaralyq reısterdi oryndaý tártibi týraly ýaqytsha nusqaýlyqty bekitti. Qazirgi kezde tıisti organdarǵa shetel elderimen kelissózder júrgizý jolymen halyqaralyq reısterdiń barlyq túrlerin birtindep qalpyna keltirý sharalaryn qoldaný tapsyrylǵan.
Avtory Mıras Qýandyqov
