Ózbekstan bıligi Sardoba sý qoımasyndaǵy bógettiń jarylý sebepterin jarııalady
TAShKENT. QazAqparat – Ózbekstan eliniń bıligi Sardoba sý qoımasyndaǵy bógettiń jarylýynyń úsh sebebin jarııalady. Tótenshe jaǵdaıdy tergeý amaldarynyń nátıjelerimen arnaıy brıfıng kezinde Ózbekstan Respýblıkasy Tótenshe jaǵdaı mınıstriniń birinshi orynbasary Abdolla Quldashev málimdedi, dep habarlaıdy QazAqparat.
«Eń aldymen, buǵan Sý resýrstary mınıstrligi kináli, sebebi vedomstvo nysandy uıymdastyrý, jobalaý jáne salý kezinde jaýapsyzdyq tanytty. Qurylysty tolyq paıdalanýǵa berý kezinde atalǵan sý qoımasyn paıdalanýdyń erejeleri bekitilgen joq. Bul protseste tehnıkalyq jáne normatıvtik talaptar kúrdeli buzylǵan. Ekinshi sebep: sý qoımasynyń jumys qujattaryn daıarlaǵan UzGip jobalyq uıymy, tehnıkalyq-ekonomıkalyq negizdemeniń keıbir sátterin eskermesten ózdiginen ózgerister engizgen. Osylaısha, mysal retinde, bógettiń konstrýktsııasy men seısmoturaqtylyǵyna mán berilgen joq.
Bolǵan oqıǵaǵa sondaı-aq merdiger men «Ýzbekıston temır ıýlları» AAQ-nyń sýbmerdigerleri jaýapty bolýda. Olar qaǵazda jáne is júzinde kórsetkishterdiń ara qatynasy – bógettegi topyraq tyǵyzdyǵyn atap ótken joq, al fıltr men tas qabatynyń qalyńdyǵy jobada kórsetilgennen az bolyp shyqqan. ıAǵnı, Sardoba bógetin salý kezinde buzýshylyqtar jobalaý kezinde jasalyp, jaǵdaı qurylys pen paıdalanýǵa berý kezinde odan da nasharlady, dep habarlady A.Quldashev.
TJM basshysy orynbasarynyń málimetinshe, 17 ókiletti tulǵa qylmystyq jaýapkershilikke tartyldy. Olardyń isteri Joǵarǵy sotqa jiberildi.
Eske sala ketsek, 2020 jyldyń 1 mamyrynan bastap Sardoba sý qomasyndaǵy bógettiń tómengi jaǵyn sý shaıyp ketýinen Syrdarııa oblysy Sardoba aýdanynyń aýmaǵynda sý jaıyldy. Sýdyń negizgi aǵynyn tómendetý úshin ózbek tarapy shlıýzderdi sýarý kanaldaryna ashty. Sonyń saldarynan Túrkistan oblysy Maqtaaral aýdanynyń Jeńis jáne Jańa Turmys eldi mekenderin sý basty.
Foto: kun.uz