Ózbekstan bıligi el turǵyndaryn Jańa jyldy otbasy múshelerimen ǵana qarsy alýǵa shaqyrdy

TAShKENT. QazAqparat – Ózbekstan bıligi el turǵyndaryn Jańa jyldy karantın sharalaryn saqtaı otyryp, otbasy múshelerimen ǵana qarsy alýǵa shaqyrdy, dep habarlaıdy QazAqparat menshikti tilshisi Ózbekstan Respýblıkasynyń Densaýlyq saqtaý mınıstrliginiń baspasóz qyzmetine siltem jasap.

«Halyqtyń densaýlyǵyn qamtamasyz etý jáne eldegi epıdemıologııalyq turaqtylyqty saqtaý maqsatynda azamattarǵa 2022 jylǵy merekelik jańa jyldy múmkindiginshe otbasy múshelerimen ǵana qarsy alýdy usynamyz», - dep habarlady vedomstvo.

Eske sala keteıik, Ózbekstanda «omıkron» koronavırýs ınfektsııasynyń jańa shtammynyń enýine jol bermeý maqsatynda elge kirýshiler úshin birqatar jańa karantındik shekteý sharalary qabyldandy.

Avtor: Mádibek Jánibekov