Ózbekstan bıligi qosylǵan qun salyǵynyń mólsherin 2028 jylǵa deıin kótermeıdi

Ózbekstanda 2028 jyldyń 1 qańtaryna deıin tabys jáne qosylǵan qun salyqtarynyń (QQS) mólsheri kóterilmeıdi. Tıisti jarlyqqa el prezıdenti Shavkat Mırzıeev qol qoıdy, dep habarlaıdy Kazinform agenttiginiń menshikti tilshisi.

Salyq stavkalaryn ózgerissiz qaldyrý sheshimi bıznesti qoldaýǵa, ádil básekelestik qalyptastyrýǵa jáne kóleńkeli ekonomıkanyń úlesin azaıtýǵa baǵyttalǵan.

Qazir tabys salyǵynyń bazalyq mólsherlemesi - 15%. Sheteldik azamattar men kompanııalar úshin tabys salyǵy joǵary. Al Ózbekstandaǵy qosymsha qun salyǵynyń mólsheri - 12%.

Buǵan deıin habarlaǵanymyzdaı, Ózbekstannyń Dúnıejúzilik saýda uıymyna qosylý protsesi aıaqtalýǵa jaqyn.

Eske salaıyq, keler jyly Ózbekstan $43 mlrd ınvestıtsııany ıgerýdi josparlap otyr.

Buǵan deıin Ózbekstan Senaty eldiń 2025 jylǵa arnalǵan bıýdjetin maquldaǵan bolatyn. Oǵan saı, shoǵyrlandyrylǵan bıýdjet kirisi 431 trln sým (shamamen $33,4 mlrd), shyǵystar 480,5 trln sým ($37,3 mlrd) shamasynda josparlanǵan.

Sonymen qatar, Ózbekstan bıligi eldegi kedeılik deńgeıin 6% deıin tómendetýge nıetti.