Ózbekstan bıligi ınternette esirtki jarnamalaǵandarǵa jazany kúsheıtti

TAShKENT. KAZINFORM – Ózbekstanda telekommýnıkatsııa jelilerin paıdalanyp jáne kámeletke tolmaǵandardy tarta otyryp, esirtki nemese psıhotroptyq zattardy jarnamalaǵandarǵa zań kúsheıdi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Tıisti túzetýler Qylmystyq, Qylmystyq is júrgizý jáne Ákimshilik kodeksterge engizildi. Qujatqa 5 qazanda Ózbekstan prezıdenti Shavkat Mırzıeev qol qoıdy.

Atalǵan kodeksterge jańa baptardy engizý jónindegi sheshimdi Olıı Májilistiń zań shyǵarýshy palatasy bıyl sáýirde qabyldaǵan, keıin ony maýsym aıynda senatorlar maquldady.

Oǵan saı, ınternette esikrtki nemese psıhotroptyq zattardy jarnamalaǵandarǵa qylmystyq jáne ákimshilik jaza qoldanylady.

Sondaı-aq, esirtkini satý maqsatyn kózdemeı, saqtaǵandarǵa da jaýapkershilik qatań bolmaq. Bul bap boıynsha qoldanylatyn eń aýyr jaza - 3 jylǵa bas bostandyǵynan aıyrý.