Ózbekstan bıligi eldiń Syrtqy saıasat tujyrymdamasyn qaıta qaraýǵa nıetti

TAShKENT. KAZINFORM — Syrtqy ister mınıstrliginiń keleshek qyzmet baǵyty talqylanǵan keńeste Ózbekstan prezıdenti Shavkat Mırzıeev eldiń Syrtqy saıasat tujyrymdamasyn qaıta qaraý kerektigin málim etti , dep habarlaıdy Kazinform agenttiginiń menshikti tilshisi.

Qoldanystaǵy tujyrymdama 2012 jyly qabyldanǵan. Ózbekstan basshysynyń aıtýynsha, álemdegi geosaıası ózgeris, halyqaralyq qarym-qatynas júıesindegi turaqsyzdyq, óńirlik qarama-qaıshylyq pen jahandyq ekonomıkalyq úrdister ár memleketti syrtqy saıası qyzmetke túzetý engizýge ıtermelep jatyr. ıAǵnı, osy jaǵdaıda ulttyq múdde men ýaqyt talabyna saı beıimdele bilý qajet.

— Osyǵan baılanysty Syrtqy saıasat tujyrymdamasyn jańartý, onyń basym baǵyttaryn qaıta qaraý, eldiń ulttyq múddesin qorǵaýǵa jáne halyqaralyq arenadaǵy ustanymyn nyǵaıtýǵa baǵyttalǵan naqty mindetterdi aıqyndaý kerek, - dep málimdedi Shavkat Mırzıeev.

Eske salaıyq, Ózbekstan bıligi eldiń Qorǵanys doktrınasyna ózgeris engizýge nıetti.

Buǵan deıin habarlaǵanymyzdaı, Ózbekstan Taıvanmen kelissózden soń Dúnıejúzilik saýda uıymynyń teń quqyly múshesi atanbaq.