Ózbekstan belgili bir kıim túrlerin kııýge tyıym salmaq
ASTANA. KAZINFORM — Ózbekstan Olıı Majlısiniń Zań shyǵarýshy palatasy memlekettik qyzmetshiler men áskerılerdiń kıimderine uqsas korporatıvtik kıimderdi engizýge jáne kııýge tyıym salatyn zań jobasyn qabyldady.
Qujat Senatqa usynyldy.
Tómengi palata baspasóz qyzmetiniń málimetine qaraǵanda, sońǵy jyldary uıymdar, mekemeler jáne jeke tulǵalar resmı formalarǵa uqsaıtyn kıimderdi jıi paıdalana bastaǵan. Tipti óz jumyskerleri úshin osyndaı kıimderdi engizgen uıymdar da bar.
— Bul azamattardy adastyrýy, memlekettik organdardyń bedeline keri áser etýi jáne jeke tulǵalardyń memlekettik qyzmetshilerdiń atyn jamylyp, halyqtyń senimin teris paıdalanýyna múmkindikter jasaýy múmkin. Nátıjesinde, memlekettik qyzmetshilerdi basqa adamdardan ajyratý qıyndaı túsedi, — delingen málimdemede.
Usynylyp otyrǵan erejeler, eń aldymen, azamattardyń quqyqtary men múddelerin qorǵaýǵa, memlekettik organdarǵa degen senimdi nyǵaıtýǵa, memlekettik qyzmettiń bedelin saqtaýǵa jáne resmı formany zańsyz jáne óz múddesine paıdalanýdyń aldyn alýǵa baǵyttalǵan. Osyǵan baılanysty, memlekettik organdardyń bekitilgen áskerı nemese vedomstvolyq kıimderine óte uqsas, sondaı-aq olarǵa tán aıyrym belgileri jáne (nemese) nyshandary bar kıimderdi engizgeni nemese qoldanǵany úshin ákimshilik jaýapkershilik taǵaıyndaý usynylady.
Eske sala keteıik, Ózbekstanda kitap oqyǵany úshin áskerdegi qyzmet merzimi qysqarýy múmkin.
Ózbekstanda halyq sany bir jylda 700 myń adamǵa ósti.
