Halyqaralyq jer silkinisi qurbandaryn eske alý kúni belgilendi
TAShKENT. KAZINFORM - 2023 jylǵy 16 naýryzda ótken Túrki memleketteri uıymynyń kezekten tys sammıtinde Ózbekstan prezıdenti tótenshe jaǵdaılar boıynsha mamandandyrylǵan halyqaralyq qurylymdarmen is júzindegi yntymaqtastyqty nyǵaıtý qajettigine erekshe nazar aýdardy, dep habarlaıdy ÓzA.
Sammıtte Shavkat Mırzıeev bastamasymen jer silkinisi qurbandaryna taǵzym etý jáne osyǵan baılanysty halyqaralyq yntymaqtastyq qajettigin eske salý maqsatynda Eske alý jáne yntymaqtastyq kúnin belgileý týraly bastama kótergen edi.
Búginde bul bastama is júzinde óz nátıjesin kórsetti. Óıtkeni 2025 jyly 29 sáýirde Birikken Ulttar Uıymynyń Nıý-Iorktegi shtab-páterinde Ózbekstannyń bastamasymen BUU Bas assambleıasy 29 sáýirdi Halyqaralyq jer silkinisi qurbandaryn eske alý kúni dep jarııalaý týraly qarar qabyldady. Qujatty álemniń barlyq aımaǵynan 80-nen astam memleket birlesip jazǵan.
Halyqaralyq jer silkinisi qurbandaryn eske alý kúni alǵash ret 2026 jyldyń 29 sáýirinde atap ótiledi. Bul data 1966 jyly Tashkentte bolǵan joıqyn jer silkinisiniń 60 jyldyǵyna arnaldy.
Eske sala keteıik, Ózbekstanǵa alǵash ret jasandy jańbyr jaýǵyzatyn qurylǵy jetkizildi.