Ózbekstan basshylyǵy Qazaqstanǵa Shymkent túbinde bolǵan qaıǵyly oqıǵaǵa baılanysty kóńil aıtty
TAShKENT. 27 jeltoqsan. QazAqparat - Ózbekstan basshylyǵy Qazaqstanǵa Shymkent túbinde áskerı-kólik ushaǵynyń qulaýyna baılanysty kóńil aıtty, dep habarlady Qazaqstannyń ÓR-ǵy Elshiliginen.
Ózbekstan Respýblıkasynyń Prezıdenti Islam Karımov Qazaqstan Prezıdenti Nursultan Nazarbaev pen qaza tapqan shekarashylardyń otbasylaryna Shymkent túbinde áskerı-kólik ushaǵynyń qulaýyna baılanysty kóńil aıtty.
Ózbekstan Premer-Mınıstri Shavkat Mırzıeev te óziniń áriptesi Serik Ahmetovke kóńil aıtty.
Qazaqstandyq dıplomatııalyq ókildiginde ÓR-da akkredıttelgen Elshilikterdiń ókilderi jazbalaryn qaldyratyn Kóńil aıtý kitaby ashyldy.
