Ózbekstan basshysy Prezıdent Ákimshiliginiń jańa qurylymyn bekitti
TAShKENT. KAZINFORM – Ózbekstan prezıdenti Shavkat Mırzıeev «Memlekettik basqarý júıesindegi tıimdilik pen nátıjeni arttyrýǵa baǵyttalǵan sharalar týraly» jarlyqqa qol qoıdy, dep habarlaıdy Kazinform agenttiginiń menshikti tilshisi.
Ózbekstan basshysynyń baspasóz hatshysy Sherzod Asadovtyń málimetinshe, Prezıdent Ákimshiliginiń jańa qurylymy bekitildi. ıAǵnı, qyzmet baǵyty bir-birine uqsas 284 shtat joıylyp, laýazymdar ońtaılandyryldy.
Jarlyqta jazylǵandaı, endi Prezıdent Ákimshiligi basshysynyń 5 orynbasary bolady. Olar bilim berý, kásipkerlik sala, sot-quqyq júıesi, densaýlyq saqtaý men sý resýrstary baǵyttaryndaǵy jobalardyń iske asýyn qadaǵalaıdy. Munymen birge, strategııalyq damý jáne syrtqy saıasat jónindegi prezıdent keńesshileri laýazymy engizildi.
Sondaı-aq qarjy tehnologııalary, tsıfrlandyrý jáne jasandy ıntellekt, kreatıvti ekonomıka, qoǵamdyq qaýipsizdik, prezıdenttiń aımaqtarǵa jasaıtyn saparyna oraı taldaý materıaldaryn ázirleıtin kommýnıkatsııalar departamentteri quryldy.
Eske salaıyq, bıyl 23 maýsymda Shavkat Mırzıeevtiń jarlyǵymen Prezıdent Ákimshiliginiń basshysy laýazymy qaıta jasaqtaldy. Tıisinshe, ony buryn memleket basshysynyń kómekshisi bolǵan Saıda Mırzıeeva ıelendi.
Naqtylaı keteıik, Shavkat Mırzıeev 2023 jyldyń tamyzynda Ózbekstan Prezıdenti Ákimshiliginiń qurylymyna reforma jasady. Keıin Prezıdent Ákimshiliginiń basshysy laýazymy joıyldy. Sáıkesinshe, prezıdent kómekshileriniń qatary kóbeıdi. 2022-2023 jyldar aralyǵynda Prezıdent Ákimshiligin Sardor Ýmýrzakov basqarǵan edi.