Ózbekstan basshysy memlekettik organdarǵa qyzmettik shyǵyndardy qysqartýdy tapsyrdy

TAShKENT. KAZINFORM – Ózbekstan prezıdenti Shavkat Mırzıeev ortalyq jáne jergilikti memlekettik organdardy bıýdjet qarajatyn qatań únemdeýge mindetteıtin qaýlyǵa qol qoıdy, dep habarlaıdy Kazinform agenttiginiń menshikti tilshisi.

Өзбекстан басшысы мемлекеттік органдарға қызметтік шығындарды қысқартуды тапсырды
Фото: Өзбекстан президентінің баспасөз қызметі

Qujatqa sáıkes, bıýdjet tapshylyǵynyń shekti deńgeıinen (3%-dan kóp bolmaýy tıis) asyp ketetin shyǵyndarǵa qosymsha kiris bolǵan kezde nemese ózge de qajettilikterge baǵyttalatyn qarajatty qysqartý esebinen ǵana ruqsat etiledi.

Bul rette memlekettik organdarǵa joǵary laýazymdy sheneýnikterdiń jalaqysyn kóterý (eń tómengi jalaqy mólsherin kóterýdi eseptemegende), qyzmettik kólik pen qymbat jıhaz jáne keńse kerek-jaraqtaryn satyp alý boıynsha bastama kóterýge tyıym salynady. Oryndy qajettilik bolsa, onda qarajat tikeleı Mınıstrler kabınetiniń kelisimi negizinde bólinedi.

Sonymen, bıýdjetti josparlaý barysynda memlekettik uıymdardyń jıhaz ben keńse kerek-jaraqtaryna arnalǵan shyǵyndaryn byltyrmen salystyrǵanda 10%-ǵa qysqartý tapsyryldy.

Buǵan qosa, hokımııatarǵa jergilikti bıýdjet esebinen shtat sanyn ulǵaıtýǵa tyıym salynady.

Eske salaıyq, byltyr jeltoqsanda Ózbekstan parlamenti eldiń 2025 jylǵa arnalǵan bıýdjetin maquldady. Oǵan saı, shoǵyrlandyrylǵan bıýdjet kirisi 431 trln sým (shamamen $33,4 mlrd), shyǵystar 480,5 trln sým ($37,3 mlrd) shamasynda josparlanǵan.

Sonymen qatar, Ózbekstanda jemqorlyqqa beıim keletin sheneýlikterdi erte anyqtaý tájirıbesi engizilmek.

Сейчас читают