Ózbekstan basqa eldermen áýe baılanysyn qalpyna keltiredi
TAShKENT. QazAqparat – Ózbekstan koronavırýsqa qatysty jaǵdaı jaqsarǵan eldermen áýe baılanysyn qaıta qalpyna keltiredi, dep habarlaıdy QazAqparat. Bul týraly Ózbekstannyń arnaıy respýblıkalyq komıssııasy Telegram-daǵy paraqshasynda jarııalady.
Osyǵan baılanysty 15 maýsymnan bastap Ózbekstanǵa kelesi tulǵalardyń kelýine ruqsat berilgen: shet elderdiń dıplomatııalyq ókildikter jáne konsýldyq mekemeleriniń qyzmetkerleri men olardyń otbasy músheleri; Ózbekstanda ınvestıtsııalyq joba boıynsha jumys isteıtin sheteldik kompanııalardyń mamandary, emdelýge kelgen nemese ketýshi tulǵa; shet elde aýyr naýqas jaqyn týysy bar adamdar, Ózbekstanda turaqty tirkelgen sheteldikter, azamattyǵy joqtar, sondaı-aq shetelde turaqty turatyn Ózbekstan azamattary.
Sonymen qatar, ózbekstandyqtarǵa shetelde oqýyn nemese jumysyn jalǵastyrý úshin elden ketýine ruqsat etilgen.
Ózbekstannyń Kólik mınıstrligi shetelden azamattardy jetkizetin charterlik reısterdiń 15-21 maýsym aralyǵyndaǵy kestesin bekitti. Osy aralyqta 11 reıs jasalady.
