Ózbekstan balalardy zııandy aqparattan qorǵaýdy zańmen bekitti
ASTANA. QazAqparat - Ózbekstan senaty «Balalardyń densaýlyǵyna zııan tıgizetin aqparattardan olardy qorǵaý týraly» zańdy maquldady. Bul týraly Kabar habarlaıdy.
Ǵylym, bilim, mádenıet jáne sport jónindegi komıtet tóraǵasy Zaınıtdın Nızamhodjaevtyń aıtýynsha, atalǵan zańnyń basty maqsaty - balalardyń psıhıkasyn búldiretin, janyn jaralaıtyn aqparattardyń yqpalynan qorǵaý, olardyń taralýyna jol bermeý, sondaı-aq balalardyń jalpy densaýlyǵyna zııan keltiretin aqparattarǵa qoljetimdilikti shekteý.
«Jańa zańǵa sáıkes, budan bylaı aqparattyq ónimder 7, 12, 16 jáne 18 jas erekshelikterine qaraı belgilenetin bolady», - dep atap ótti Komıtet tóraǵasy.
