Ózbekstan BAQ jónindegi EQYU konferentsııasyn qabyldaıdy
TAShKENT. QazAqparat - EQYU-nyń BAQ jónindegi 19-ynshy Ortaazıalyq konferentsııasy bıyl qazan aıynda Tashkentte ótedi, dep habarlaıdy «QazAqparat» HAA gazeta.uz-ge silteme jasap.
Tashkent araǵa 15 jyl salyp jyl saıyn Eýropadaǵy qaýipsizdik jáne yntymaqtastyq uıymy (EQYU) bıýrosynyń uıymdastyrýymen ótetin BAQ bostandyǵy máseleleri jónindegi buqaralyq aqparat quraldarynyń Ortaazıalyq konferentsııasyn qaıta qabyldaıdy. «Ortalyq Azıadaǵy ashyq jýrnalıstıka» degen taqyryppen ótetin 19-ynshy forým Ózbekstan astanasynda 18-19 qazan kúnderi ótedi.
Konferentsııaǵa 80-ge jýyq jýrnalıst, úkimet ókilderi, azamattyq qoǵam uıymdary, ǵylymı orta jáne halyqaralyq sarapshylar qatysyp, óńirdegi BAQ bostandyǵyna qatysty máselelerdi talqylamaq.
Kún tártibinde aqparat taratý betalysy, mobıldi jáne tsıfrlyq ortanyń damýyna baılanysty shaqyrýlar, sondaı-aq BAQ bostandyǵyn qorǵaý jáne buqaralyq aqparat quraldaryndaǵy til máseleleri qaralady.
EQYU-ynyń BAQ jónindegi Ortaazııalyq konferentsııasy jyl saıyn aımaq elderiniń biriniń astanasynda ótkizilip keledi. Bunyń aldyndaǵy 18-inshi konferentsııa Venada ótti. Ózbekstan astanasy 2002 jyly «BAQ bostandyǵy jáne jemqorlyq» degen taqyryppen ótken 4-inshi konferentsııany qabyldaǵan bolatyn.
