Ózbekstan BAÁ-niń jasandy jańbyr jaýdyrý tehnologııasyn engizýdi kózdep otyr
Birikken Arab Ámirlikterine sapary barysynda Ózbekstan delegatsııasynyń músheleri Dúnıejúzilik meteorologııalyq uıymnyń prezıdenti, BAÁ Ulttyq meteorologııalyq ortalyǵynyń bas dırektory Abdýlla al-Mandýspen kezdesti.
«Birikken Arab Ámirlikterinde ázirlengen ozyq tehnologııalar jáne bultty sebý sııaqty jańa ádistemelermen tanystym. Endi olardyń tájirıbesin Ózbekstanda, ásirese Aral óńirine engizý máselesi talqylandy», - dep jazdy Bahtıer Saıdov.
Syrtqy ister mınıstri BAÁ klımattyń ózgerýi jáne qorshaǵan orta mınıstri Marıam Almheırımen de kezdesti.
«Biz sý tapshylyǵy, sýdy tuşytý, bıoártúrlilikti qorǵaý, orman ósirý salalaryndaǵy kúsh-jigerimizdi biriktirýge, sondaı-aq osy salalarda BAÁ-niń ozyq tájirıbesin Ózbekstanǵa engizýge erekshe nazar aýdardyq», - dedi Ózbekstan Syrtqy ister mınıstri.
Bultty sebý – jaýyn-shashyn mólsherin arttyrý úshin aýa raıyn ózgertý tásili. Dúnıejúzilik meteorologııalyq uıymnyń málimeti boıynsha, tehnologııa 56 elge qurǵaqshylyq pen ekstremaldy aýa raıyna qarsy turýǵa kómektesedi.
1990 jyly BAÁ jaýyn-shashyn mólsherin arttyrý úshin zertteý baǵdarlamasyn bastady. BAÁ-de bultty sebý óte tıimdi jumys isteıdi. Sonymen qatar, ol tuşylandyrýǵa qaraǵanda shamamen 60% arzan.
