Ózbekstan azamatynan 9 urlanǵan telefon tabyldy
ALMATY. QazAqparat - Almaty polıtsııasy «TsÝM» saýda ortalyǵynda reıd júrgizdi, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, saýda úıiniń núktelerinen 10 urlanǵan telefon tabyldy.
Urlanǵan telefondardyń 9-y telefon jóndeýmen aınalysatyn sheber 29 jastaǵy Ózbekstan azamaty Saıd Tursynovtyń jumys ornynan tabylǵan.
«Mobıldi quraldardyń kópshiligi onyń jumys ornynda shashylǵan kúıinde saqtalyp kelgen. Taǵy bir telefon 27 jastaǵy Áshir Djalılovtan tabyldy. Qazir eki kúdikti de Almaly aýdany ІІB qamaýda otyr. Júrgizilgen taldaý jumystarynyń arqasynda biz uıaly telefon ıeleriniń kim ekendigin anyqtaıtyn bolamyz. Qazir urlanǵan zatty satý boıynsha QR QK boıynsha sotqa deıingi tergeý jumystary bastaldy», - dedi Almaty ІІD basqarma basshysy Esen Iskakov.
Atalǵan tekseriske 20 jedel top jumyldyryldy. 200 jýyq núkte, 985 mobıldi qural tekserildi. Olardyń ishinde 10 telefon urlanǵan bolyp shyqty.
Polıtsııa keshe «Stýdent» jáne «Atakent mol» saýda oryndaryn teksergen bolatyn.
