Ózbekstan azamatyn óltirgen qylmysker ustaldy

Bul jóninde búgin Astana qalasy Іshki ister departamentinde ótken baspasóz máslıhatynda Tergeý basqarmasy bastyǵynyń orynbasary Talǵat Jumanov málimdedi.

Aǵymdaǵy jyldyń 18 aqpanynda saǵat 22.00-de jataqhana bólmesinde zorlyq-zombylyq belgilerimen 1954 jyly týylǵan Ózbekstan Respýblıkasy azamatynyń máıiti tabylǵan bolatyn.

Tergeý basqarmasy qyzmetkerleriniń izdestirý sharalary nátıjesinde atalǵan qylmysqa jaýapty 1971 jylǵy Shyǵys Qazaqstan oblysynyń týmasy, buryn sottalmaǵan, Astana qalasynyń turǵyny ustaldy.

Talǵat Jumanovtyń aıtýynsha, kúdikti qylmystyq isti spırttik ishimdik ishý barysynda týyndaǵan janjal saldarynan jasaǵan. Jaýapty qylmyskerdiń qasyndaǵy azamattyń basy men denesin aǵash oryndyqtyń aıaǵymen jaraqattaýy nátıjesinde atalmysh azamat oqıǵa ornynda qaıtys bolǵan. Qylmystyq oqıǵa oryn alǵan jerde ózge de kýágerler bolǵan. Ustalǵan azamat óz qylmysyn moıyndaǵan.

Qylmyskerdiń ústinen QR Qylmystyq kodeksiniń 103-babynyń 3-bólimi boıynsha qylmystyq is qozǵaldy.