Ózbekstan azamaty Túrkııadaǵy jer silkinisi kezinde kóz jumdy

TAShKENT. QazAqparat – Túrkııadaǵy jer silkinisi kezinde Ózbekstan azamaty qaza taýyp, taǵy tórt ózbekstandyq habar-osharsyz ketti, dep habarlaıdy QazAqparat tilshisi Ózbekstan Syrtqy ister mınıstrliginiń baspasóz qyzmetine silteme jasap.

«Túrkııanyń Malatııa provıntsııasynda zilzaladan Ózbekstan azamaty kóz jumǵan. Sonymen qatar 4 ózbekstandyq iz-túzsiz joǵalǵandar tiziminde. Olardyń turǵan jerin anyqtaý boıynsha izdestirý-qutqarý jumystary júrgizilýde», - delingen Ózbekstan vedomstvosynyń habarlamasynda.

Buǵan deıin habarlanǵandaı, Ózbekstan Túrkııaǵa 60 qutqarýshy jiberdi. Qutqarýshylary 10 myńnan astam ózbek turatyn Hataı aýdany Ovakent aýylynda izdeý-qutqarý jumystaryn júrgizýde.

Sońǵy málimet boıynsha Túrkııadaǵy eki joıqyn jer silkinisinen qaza tapqandar sany 5834-ke jetti, 34 810 adam jaraqat aldy.

Foto: Anadolu