Ózbekstan azamaty ShQO avtobýsynda zańsyz kondýktor bolyp istegen
ÓSKEMEN. QazAqparat – Shyǵys Qazaqstan oblysynda Ózbekstan azamaty qoǵamdyq kólikte zańsyz jumys istep kelgen, dep habarlaıdy QazAqparat tilshisi.
«Quqyqtyq tártip» jedel-aldyn alý sharasy kezinde Ózbekstan Respýblıkasy azamatshasynyń zańsyz eńbek etip kelgeni anyqtaldy. Ol qaladaǵy qoǵamdyq kólikte kondýktor bolyp istegen. Kóshi-qon zańnamasyn buzǵany úshin 26 jastaǵy azamatshaǵa QR Ákimshilik quqyqbuzýshylyq kodeksiniń 517-baby 5-bóligi boıynsha ákimshilik jaza qoldanylýy múmkin», - delingen ShQO Polıtsııa departamentiniń baspasóz qyzmeti taratqan aqparatta.
Polıtsııa ony jumysqa alǵan tulǵany da jaýapqa tartpaqshy.
«Jumys berýshi de sheteldik azamattardyń eńbek tártibin buzǵany úshin jaýapqa tartylady. «Quqyqtyq tártip» sharasy ótken 2 kúnniń ishinde kóshi-qon zańyn buzǵan 123 shetel azamaty jaýapqa tartyldy», - delingen departamenttiń málimetinde
