Ózbekstan azamaty shekaralyq aýdanda qalta urlyǵymen aınalysyp kelgen
ShYMKENT. QazAqparat - Ońtústik Qazaqstan oblysynda polıtseıler qalta urlyǵymen aınalysyp júrgen 35 jastaǵy kúdiktini ustady. Tulǵasyn tekserý barysynda seziktiniń Ózbekstan azamaty ekenin anyqtady, dep habarlaıdy QazAqparat tilshisi.
Kúdiktini ustaýǵa Saryaǵash aýdanyndaǵy 23 jastaǵy turǵynnyń polıtsııaǵa aryzdanýy sebep boldy. Ol aryzynda shekaradaǵy keden beketiniń birinde belgisiz tulǵa qaltasynan uıaly symtetigi men qujattaryn urlap ketkenin kórsetken. Jedel izdestirý sharalaryn júrgizgen tártip saqshylary osy qylmysqa qatysy bar degen kúdikpen Ózbekstan azamatyn ustady. Tergeý kezinde ol óz kinásin moıyndaǵan. Qazirgi tańda ústinen qylmystyq is qozǵalyp, tergeý amaldary júrgizilýde. Polıtsııa qyzmetkerlerimen kúdiktiniń osyǵan uqsas basqa da qylmystarǵa qatysy bar-joǵy anyqtalyp jatyr.
