Ózbekstan azamaty Astanada esirtkimen ustaldy
ASTANA. QazAqparat - Elordada esirtki ótkizgen jáne saqtaǵan sheteldik ustaldy, dep habarlaıdy QazAqparat.
«Astana qalasy PD Ekstremızmge qarsy is-qımyl basqarmasynyń qyzmetkerleri esirtki ótkizgeni jáne saqtaǵany úshin er adamdy ustady. Tintý barysynda Ózbekstannyń 50 jastaǵy azamatynan 44,25 gramm gashısh tárkilendi», - dep jazdy ІІM-nen.
Medıtsınalyq kýálandyrý qorytyndysyna sáıkes, onyń esirtki qoldanǵany rastaldy.
Kúdikti ýaqytsha ustaý ızolıatoryna qamaldy.
QR QK 297-baby boıynsha sotqa deıingi tergeý amaldary júrgizilip jatyr.
