Ózbekstan azamaty Almatyda kólik urlaýmen aınalysqan
ALMATY. QazAqparat - Almatyda kólik urlaýmen aınalysqan qylmystyq toptyń áreketi áshkere boldy. Bul týraly qalalyq ІІD baspasóz qyzmeti habarlady.
34 jastaǵy Ózbekstan Respýblıkasynyń azamaty men 32 jastaǵy Almaty turǵyny birige otyryp, Almatydaǵy «VAZ», «Lada» markali kólikterdi urlaýmen aınalysyp kelgen.
Búginde polıtsııaǵa kóliginen aırylǵan 8 adam shaǵymdanyp úlgergen. Tergeýshiler atalǵan qylmystarǵa ózbekstandyq azamat pen Almaty turǵynynyń qatysy baryn anyqtady.
4 mashına Shymkent qalasynda, OQO-dan, 1 kólik Almaty oblysynan tabyldy. Jáne bir kólik Astanaǵa jetkizilgeni anyqtaldy.
Qazir 6 mashına da zattyq aıǵaq retinde tárkilendi. Tergeýshiler kúdiktilerdiń basqa da qylmystarǵa qatystylyǵyn tekserip jatyr.
Foto: vestipmr.info
