Ózbekstan azamaty Aqtóbede eki jyl boıy quldyqta bolǵan
AQTÓBE. QazAqparat - Aqtóbe oblysy, Mártók aýdanynyń turǵyny eki azamatty quldyqta ustap kelgen. Qazir osy oqıǵaǵa baılanysty qylmystyq is qozǵaldy, dep habarlaıdy QazAqparat tilshisi.
Adam eńbegi qanalyp, ómirine qaýip tóndi. 52 jastaǵy Ózbekstan azamaty men 43 jastaǵy Aqtóbe qalasynyń turǵyny eki jyldan beri aýylda mal baqqan, úı sharýasyn istegen. Alǵashynda úı saldyrý úshin aýylǵa aparyp, keıin aqysyn tólemeı, uryp-soǵyp ekeýin de alyp qalǵan. Qashyp qutylmaq bolǵan kezde qaıta taýyp alyp, sharýashylyqqa jetkizip otyrǵan.
«Eki adamdy quldyqty ustaǵan kúdikti oblystaǵy uıymdasqan qylmystyq toptyń belsendi múshesi bolyp shyqty. Qazir osy oqıǵaǵa qatysty «Adam saýdasy» baby boıynsha is qozǵaldy. Tergeý jalǵasyp jatyr. Kúdikti Mártók aýdandyq ishki ister bóliminiń ýaqytsha tergeý abaqtysynda qamaýda otyr. Bul fakti «Zańsyz kelýshi» aldyn alý sharasy kezinde anyqtaldy. Jedel aqparat izimen oblystyq ІІD Uıymdasqan qylmysqa qarsý kúres basqarmasy baryp, tekserdi»,- dedi oblystyq ІІD baspasóz qyzmetiniń jetekshisi Nurgúl Qonaqbaeva.
