Ózbekstan azamattary vaktsına almas buryn medıtsınalyq tekseristen ótedi
TAShKENT. QazAqparat – Ózbekstan azamattary koronavırýsqa qarsy vaktsınatsııadan buryn medıtsınalyq tekseristen ótedi, dep jazady QazAqparat.
Bul týraly Ózbekstannyń Densaýlyq saqtaý mınıstrliginiń baspasóz qyzmeti habarlady.
Sanıtarlyq-epıdemıologııalyq qadaǵalaý jáne densaýlyq saqtaý qyzmeti basshysynyń orynbasary Nurmat Otabekovtiń aıtýynsha, koronavırýsqa qarsy vaktsınany alý medıtsınalyq tekserý nátıjeleri boıynsha qabyldanady.
Otabekov sondaı-aq vaktsına alǵysy keletinderdiń barlyǵy medıtsınalyq tekseristen ótetinin, bul shara qandaı da bir asqynýlardy boldyrmaýǵa sep bolatynyn atap ótti.
Ekpe alǵannan keıin jarty saǵat boıy naýqas medıtsınalyq baqylaýda bolady. Dárigerler patsıenttiń jaǵdaıyn úsh kún boıy baqylaıdy.
Keıin dárigerler olardy úıge kelip tekseredi.
Sondaı-aq respýblıkanyń Densaýlyq saqtaý mınıstrligi koronavırýsqa qarsy vaktsına almaǵandary durys bolatyn adamdardyń tizimin aıtty.
Mysaly, COVID-19 vaktsınatsııasyn AITV ınfektsııasy bar adamdarǵa, aýtoımmýndyq aýrýlarmen aýyratyndarǵa, aýyr allergııalyq reaktsııalary bar adamdarǵa, júkti jáne bala emizetin áıelderge, sondaı-aq kámeletke tolmaǵandarǵa jasaý usynylmaıdy.
Esterińizge sala keteıik, Ózbekstanda vaktsınalaýdyń bastalýy naýryzdyń birinshi jartysyna belgilengen.
Ony ótkizýge Tashkenttegi jáne eldiń barlyq aımaqtaryndaǵy emdeý-profılaktıka mekemelerinde 3138 kabınet bólingen.
Sonymen qatar halyqty koronavırýsqa qarsy vaktsınatsııalaýǵa 820 mobıldi brıgada tartylady.
