Ózbekstan azamattary almatylyq zeınetkerlerdi gıpnozdap, tonap kelgen
ALMATY. QazAqparat - Ózbekstan azamattary almatylyq zeınetkerlerdi gıpnoz arqyly arbap, tonap kelgen, dep habarlaıdy QazAqparat tilshisi.
Qalalyq ІІD baspasóz qyzmetiniń habarlaýynsha, Ózbekstan azamattary óz elinde de osyndaı qylmystary úshin isti bolǵan.
«Bular zeınet jasyndaǵylardy aldap kelgen. Qart kisilerge eski aqshany jańartyp ákep beremin dep aldaǵan. Sol kezde ákki qylmyskerler qarııalardyń sanasyn gıpnozdap, aqshalaryn qoldy etip otyrǵan. Úlken kisiler aqshany óz qoldarymen qalaı berip qoıǵanyn keıin áreń esterine túsirdi. Keı jaǵdaılarda olar zeınetkerlerdi bankke deıin ertip aparǵan, al olar esik aldynda kútip turǵan», - dedi Bostandyq aýdandyq ІІB polıtsııa bóliminiń basshysy Tımýr Ósekbaev.
Onyń aıtýynsha, qazir 5 ózbekstandyq ustaldy. Sotqa deıingi tergeý barysynda olardyń 3-eýiniń derekke qatysy bary anyqtaldy. Qylmyskerler qarııalardyń 3 mln teńgesin qoldy etken.
Polıtsııa bul adamdardyń áreketinen japa shekken azamattar bar bolsa, 298-52-80; 298-52-83, 298-52-82 nómirlerine habarlasýdy suraıdy.
