Ózbekstan avıaotyn tapshylyǵyna baılanysty Reseı baǵytyndaǵy áýe reısterin qysqartady
TAShKENT. KAZINFORM — Ózbekstannyń eń iri Uzbekistan Airways áýe kompanııasy avıaotyn tapshylyǵyna baılanysty Reseı baǵytyndaǵy reısterdiń bir bóligin qysqartady, dep habarlaıdy Kazinform agenttiginiń Tashkenttegi menshikti tilshisi.
— Avıatsııalyq otynnyń tapshylyǵy men onyń qymbattaýyna baılanysty biz Ózbekstan qalalarynan Reseıge baǵyttalǵan birqatar áýe reısiniń sanyn qysqartamyz, — delingen kompanııanyń habarlamasynda.
Búǵan deıin habarlaǵanymyzdaı, áýe kompanııalarynyń otynǵa degen qajettiligi tolyq qamtamasyz etilgenine qaramastan, Qazaqstan avıaotyndy tórt elden ımporttaýdy jalǵastyryp otyr.
Sonymen qatar, taıaýda avıaotyn tapshylyǵy saıahat qunyna qalaı áser etip jatqany týraly jazǵan edik.
