Ózbekstan aýmaǵynda qazaqstandyq týrısterdiń ustalǵany rastaldy
TAShKENT. 28 shilde. QazAqparat /Qurmat Samarhan/ - Ózbekstan aýmaǵynda qazaqstandyq týrısterdiń ustalǵany týraly aqparat rastaldy.
Bul týraly QazAqparat tilshisine Qazaqstannyń Ózbekstandaǵy Elshiliginiń konsýly Babyr Dáýrenbek habarlady.
Ońtústik Qazaqstannyń taýlarynda 12 týrıstiń joǵalyp ketkenin, olardyń tórteýi -eresek, qalǵan segizi - kámeletke tolmaǵandar ekeni buǵan deıin habarlanǵan bolatyn. Shymkentten shyqqan top Saıram shyńyna kóterilmek bolǵan.
Dıplomattyń aıtýynsha, Tashkent oblysynyń Bostandyq aýdandyq ishki ister bóliminen habarlaǵandaı, Qazaqstan azamattary 14 shilde kúni Ózbekstan aýmaǵynda ustalǵan.
"Qazir eresek tórteý Tashkent oblysynyń Qıbraı qalasyndaǵy Ońaltý ortalyǵynda otyr. Al kámeletke tolmaǵandar osy oblystyń ıAngııýl qalasyndaǵy kámeletke tolmaǵandarǵa arnalǵan arnaıy mekemede. Olardyń jaǵdaıy qanaǵattanarlyq, medıtsınalyq kómekke muqtaj emes", - deıdi B.Dáýrenbek.
"Qazaqstan elshiliginiń ókili osy oqıǵaǵa qatysty basqa da tolyqqandy málimetti búgin, 28 shilde kúni osy isti júrgizýshi tergeýshiden estip-bilýdi jáne ustalǵan Qazaqstan azamattarymen kezdesý máselesin sheshýdi josparlap otyr", - dedi konsýl.
