Ózbekstan aýmaǵyn shańdy daýyl basty
19 maýsym kúni Ózbekstannyń birqatar óńirinde quıyndy shańdy daýyl turdy. Áleýmettik jelilerde tarap jatqan vıdeolardan kún raıynyń buzylýynan týyndaǵan kólik keptelisterin kórýge bolady.
Eldiń Tótenshe jaǵıdaılar mınıstrliginiń deregine sáıkes, dúısenbi kúni Naýaı, Buqar jáne Samarqan oblystarynda qatty jel saldarynan shańdy daýyl kóterilgen. Shańdy daýyldar Ózbekstanda, sondaı-aq Ortalyq Azııa elderinde jıi bolatyn qubylys.
Málim etilgendeı, qazirgi ýaqytqa deıin TJM-ǵa tabıǵattyń tosyn minezinen zardap shekkender týraly habarlamalar túsken joq.
Batys oblystarda kún raıy turaqtandy, al Tashkent qalasynda qatty shańdy daýyl saqtalyp tur.
Tórt oblysta quıyndy jelden 40 myńnan astam abonent elektr energııasynan ajyratyldy.
Ekologııa mınıstrliginiń aqparatyna súıensek, 19 maýsym, saǵat 17.00-ge deıin Buqar jáne Naýaı oblystarynda birneshe ondaǵan myń úı jaryqsyz qaldy. Atap aıtqanda, qazir Buqar oblysyndaǵy Shafırkansk, Peshkýnsk jáne Gıjdývansk aýdandarynda 6 myń tutynýshy, Naýaı oblysynda Nýratınsk, Navbahorsk, Kanımehsk jáne Karmanınsk aýdandarynda 23 560 tutynýshy elektr energııasyz otyr.
«Elektr jaryǵy aýdanda qatty jel basylǵannan keıin qalpyna keltiriledi», - dedi Ekologııa mınıstrliginen.
Keıinnen atalǵan mınıstrlik saǵat 18.00-ge qaraı Samarqan oblysynyń Pahtachınsk jáne Koshrabatsk aýdandarynda taǵy 9 myń úıde jaryq óshkeni týraly habarlady.
Jızaq oblysynda saǵat 19.00-degi jaǵdaı boıynsha, Jızaq qalasynda, Farıshsk, Arnasaısk, Dýstlıksk, Sharaf-Rashıdovsk, Gallıaaralsk jáne Pahtakorsk aýdandarynda barlyǵy 12 250 abonent energııadan ajyratyldy.
