Ózbekstan Aýǵanstanǵa gýmanıtarlyq kómek jiberdi

TAShKENT. KAZINFORM – Ózbekstan kezekti ret Aýǵanstanǵa 169 tonnadan astam gýmanıtarlyq kómek jiberdi, dep habarlaıdy Kazinform agenttiginiń Tashkenttegi menshikti tilshisi Álıhan Asqar.

Gýmanıtarlyq júkke Surhandarııa oblysynyń hokımi Ýlýgbek Kosımov jetekshilik etip baryp, ony Balh provıntsııasynda Aýǵanstan tarapyna tabystady.

Foto: Surhandarııa oblysynyń ákimdigi

Gýmanıtarlyq kómektiń ishinde 48 tonna un, 48 tonna bıdaı, 15 myń lıtr ósimdik maıy, 10 myń dana et konservisi, 24 tonna qant pen 22 tonna makaron ónimderi jáne 100 myń dana tez ázirlenetin laǵman paketteri bar.

Qosa ketsek, buǵan deıin Ózbekstan prezıdenti Shavkat Mırzıeevtiń tapsyrmasy boıynsha Qazaqstannyń sý tasqynynan zardap shekken aýdandaryna gýmanıtarlyq kómek jiberilgen edi.