Ózbekstan Aýǵanstanǵa 200 tonnaǵa jýyq gýmanıtarlyq kómek jiberdi
TAShKENT. KAZINFORM - Shavkat Mırzıeevtyń tapsyrmasyna sáıkes Naýryz meıramy men Ramazan meıramyna baılanysty Aýǵanstan halqyna arnalǵan 200 tonnaǵa jýyq azyq-túlik taýarlarynyń kezekti gýmanıtarlyq jóneltilimi Balh provıntsııasyna jetkizildi.
Bul týraly Surhandarııa oblysy ákimdiginiń baspasóz qyzmeti habarlady.
Kórshi elge jetkizilgen qajetti azyq-túlik taýarlary Haıratan qalasyndaǵy «Astras» kompanııasynyń aýmaǵynda Ózbekstan Prezıdentiniń Aýǵanstandaǵy arnaıy ókili Ismatılla Irgashev, Surhandarııa oblysynyń ákimi Ulyqbek Qasymov, sondaı-aq Qorǵanys, kólik, qurylys jáne turǵyn úı-kommýnaldyq sharýashylyq mınıstrlikteri, sondaı-aq, Balh provıntsııasy gýbernatory Muhammed ıÝsýf Vafo jáne eki jaqtyń resmı ókilderi qatysýymen tapsyryldy.
Gýmanıtarlyq kómekke un, bıdaı, makaron ónimderi, ósimdik maıy, qant, tez daıyndalatyn taǵamdar, qyzyl burshaq, mash burshaqtary kiredi.
Mazarı-Sharıfte de ekijaqty kezdesý ótip, aldaǵy yntymaqtastyqty damytýǵa qatysty máseleler talqylandy. Áńgime barysynda Ózbekstan tarapynan Aýǵanstanda salynyp jatqan Imam Buharı kesenesi qurylysyna qatysty pikir almasý boldy.
Aýǵanstannyń resmı ókilderi Ózbekstan prezıdenti men halqyna kórsetken kómegi úshin rızashylyǵyn bildirip, kele jatqan Oraza aıt merekesimen shyn júrekten quttyqtady.
Eske sala keteıik, Ózbekstan 2025 jyly da Aýǵanstanǵa elektr energııasyn eksporttaıdy.