Ózbekstan Aýǵanstanda munaı men gaz kenderin barlaýǵa kiristi
TAShKENT. KAZINFORM — Aýǵanstanda «Uzbek Overseas Geology Company» kompanııasynyń geologııalyq barlaý jumystary bastaldy, dep habarlaıdy Kazinform agenttiginiń Tashkenttegi menshikti tilshisi.
Ózbekstan Taý-ken ónerkásibi jáne geologııa mınıstrliginiń málimetinshe, barlaý jumystary Mýhammad-Jandagar, Shamar jáne Ahmadobod aımaqtarynda júrgiziledi.
— Balh provıntsııasy basshysynyń ekonomıkalyq máseleler jónindegi orynbasary Mavlavıı Nýrýl Hodı Abý Idrıs pen kompanııanyń bas dırektory Haııtboı Omonovtyń qatysýymen geologııalyq barlaý jumystaryn bastaý saltanaty ótti. Kompanııa aýǵan tarapymen kelissóz júrgizip, tıisti lıtsenzııa aldy, — dep atap ótti vedomstvodan.
Eske salaıyq, bıyl qańtarda Ózbekstanda Aýǵanstan altynyn óńdeý bastaldy.
Qosa ketsek, taıaýda Aýǵanstanda 500-den astam mýzykalyq aspapty órtep jibergenin edik.