Ózbekstan Aýǵanstan úkimeti men «Talıban» qozǵalysyna kelisim alańyn usynýǵa daıyn

TAShKENT. QazAqparat - Ózbekstan Aýǵanstan úkimeti men «Talıban» qozǵalysyn tikeleı kelissózge shaqyraý úshin óz alańyn usynýǵa daıyn, dep habarlaıdy Ózbekstandaǵy «QazAqparat» HAA tilshisi.

Bul týraly Tashkent konferentsııasynyń ashylýynda sóz sóılegen Ózbekstan Prezıdenti Shavkat Mırzıeev aıtty.

«Aýǵanstannyń beıbit bolashaǵy úshin ortaq jaýapkershilikti bólisý jáne dástúrli dostyq qarym-qatynastarǵa súıene otyryp, biz Aýǵanstan Úkimeti men Talıban arasyndaǵy Ózbekstan aýmaǵynda tikeleı kelissózderdi uıymdastyrý úshin beıbit protsestiń kez kelgen kezeńinde barlyq qajetti jaǵdaılardy jasaýǵa daıynbyz», - dedi Ózbekstan prezıdenti.

Esterińizge sala keteıik, 26-27 naýryzda Tashkentte «Qaýipsizdik salasyndaǵy yntymaqtastyqtyń beıbit protsesi jáne óńiraralyq birikken is-qımyl» taqyrybynda halyqaralyq konferentsııa ótip jatyr. Basqosýǵa álemniń 20-dan astam elinen ókilder kelip qatysýda, onyń ishinde Qazaqstan da bar.

Foto: pbs.twimg.com