Ózbekstan Aýǵanstan aýmaǵynan zymyranmen atqylady degen aqparatty joqqa shyǵardy

TAShKENT. QazAqparat – Ózbekstan Aýǵanstan aýmaǵynan áskerı nysandarǵa shabýyl bolǵanyn joqqa shyǵardy. Bul týraly Ózbekstan prezıdentiniń baspasóz hatshysy Sherzod Asadov málim etti, dep habarlaıdy QazAqparat menshikti tilshisi.

«Termez aýdanynda Ózbekstan Qarýly kúshterin Aýǵanstan aýmaǵynan zymyranmen atqylady degen keıbir Telegram-kanaldar taratqan aqparat shyndyqqa janaspaıdy», - dedi Sh. Asadov.

Ol Ózbekstan Qorǵanys mınıstrligi men shekara áskeriniń málimetine súıenip, ózbek-aýǵan shekarasynda eshqandaı áskerı belsendilik baıqalmaıtynyn, jaǵdaı turaqty ekenin atap ótti.

«Jalǵan aqparatqa senbeńizder», - dedi Ózbekstan basshysynyń baspasóz hatshysy.

Aıta keteıik, 18 sáýir kúni mundaı aqparatty «Mılıtarıst» Telegram-kanaly taratty.